Tuesday, June 28, 2011

පදක්කම..






ඉපදී ලොවට මිනිසත්කම දෑතින් දරාගෙන
නූපදි සිටියනම් යෙහෙකී කළුහම වතින් ගෙන
යන එන මගේදී නැඟැන උසුළු විසුළු ගැන
ලතැවුන් නොවී ඉනු කෙලෙසින් මනුවෙස් ගත්ත මම?

කිත් පැසසුම් දෙමී මගෙ මව් රට්ට ලෙව් පුරා
යැයි හද තුලින් ඉපිලී මමජය අලබන තුරා
වටවී බලා හිඳ ජයගොස් පිරී යනතුරා
නොදැනුනි එයම මට ඇන්ඳු වෙස් වතකි කියා

ලෝ රන් පදක්කම අත ගත් "අලී" යැයි
වීදි පුරා සැරුවෙමි ජය ලැබූ යැයි
සුපිරි බොජුන් හල මට දොර ඇරේ යැයි
දනෙ මා පිය නැඟිමි මා පිලිගනී යැයි

මනුවෙස් ගතින් හද යක්වෙස් ගත් උන් වූ
ඇඳ මා විසිකලේ පොළවට ලෙස කුණු වූ
ලොව ජය ලබා කිත් මැද ඉදිමී උන්නූ
මා හද පාමුලට සැනෙකින් ඇද වැටුනු

මා ජයලබා ලැබගත් රන් පදක්කම
දැන් මට නොමවටී සිලිමක් පමණ එය
මා හද පරාජය කල ඒ පදක්කම
ගං පතුලට තරම් මං වටිනුයෙ කෙලෙස

16 comments:

  1. මට මේ කවි පෙළ තේරෙන්නේ නෑ නේ... ඉතින් මොනවා කියන්නද කියලා හිතා ගන්න බෑ..

    ReplyDelete
  2. මේ කවි ටික ලියලා තියෙන්නේ ප්‍රසිද්ධ බොක්සින් ශූර මොහොමඩ් අලි ගැනද ?

    ReplyDelete
  3. ලස්සන කවි පෙලක්.. හරිම අපූරුයි.. ඒවගේම ප්‍රාර්ථනා අළුත් වෙලා...

    ReplyDelete
  4. @රවීන් අයියා : ම්ම්.. මම මේ ලියලා තියෙන්නෙ මොහොමඩ් අලී ගැන.. ඔහු ඇමරිකාවේ කලූ ජාතිකයින්ගේ වීර වරයෙක්.. ම්ම්.. අපැහැදිලි පද පේලි ද? කතාවද..? කතාව නම්,මම කියන්නම්...

    ReplyDelete
  5. මධුරංග අයියා : හරියටම හරි,එයා ගැන තමා.

    ReplyDelete
  6. දිනේෂ් අයියා : ස්තූතියි අයියා..^_^
    ඔව්,මටත් හිතුනා ටිකක් අඳුරෙන් අලෝකයට එන්න..

    ReplyDelete
  7. අකුරු සුදු පාට නිසා කියවන්න ටිකක් අමාරුයි.. නරකද තද පාටක් දැම්ම නම්..

    ජය වේවා..!



    ප.ලි - කව් පොල නම් තේරුනේ නෑ.. ​කමෙන්ට් එක දැක්කම තමා තේරුණේ... :D

    ReplyDelete
  8. ඔය "මා හද පරාජය කල ඒ පදක්කම" කියන්නේ මොකක්ද..?

    ReplyDelete
  9. එයා කළු නිසා එච්චර පදක්කම් දිනල තිබුනත් එහෙ මිනිස්සු ඔහුව ගණන් ගත්තෙ නැහැ කියල නේද ඔයා මේ කියන්න හැදුවෙ?

    ReplyDelete
  10. නංගී "ශ්‍රේෂ්ඨයා" පොත කියෙව්වද?කියවලා නැත්තම් වහාම කියවන්න.මොහොමඩ් අලි කියන්නේ කව්ද කියන එක,මොන තරම් පන්නරයක් ලබපු කෙනෙක්ද කියන එක තේරුම් ගන්න පුළුවන් වෙයි හොඳට.....

    තව දෙයක් ඇමරිකාවේ ධවල මන්දිරයට යන්න ආරාධනා ලැබුවේ නැති එකම හෙවිවේට් ‍බොක්සින් ශූරයාත් මොහොමඩ් අලි.ඒකෙන්ම හිතාගන්න මේ මනුස්සයාට කොයිතරම් දුක්ඛිත තත්වයක්ද තිබ්බේ කියලා....

    ReplyDelete
  11. @සොරෝ අයියා : ම්ම්... තද පාට ඇස් වලට අමාරු නිසයි අයියා ලා පාටක් දැම්මේ..(සුදු පාට..:):)

    හෙ..හේ... මේ "මොහොමඩ් අලී" ගැන් නෙ අයියා..

    ReplyDelete
  12. @චතූ : ඔව්..හසිත මිතුරා කියන දේ තමයි මම ඒ පද පේලියෙන් අදහස් කරේ..

    ReplyDelete
  13. @මකුළු අයියා : මම පත්තරවල ලිපි වලින් විතරයි ඔහු ගැන කියවලා තියෙන්නෙ,නුවර පොත් ප්‍රදර්ශනයෙදී ඒ පොත ගන්නමයි ගියේ.. ඒත් ඒ වෙනකොට Medi books අරං තිබුන නිසා ආර්ථික ගැටළුවක් පැන නැගුනා..:(:(:(:(:(:(:(

    මම මේ කියලා තියෙන දේවල් වැරදි ද..?

    ReplyDelete
  14. @ප්‍රාර්ථනා - සෑහෙන දුරට නිවැරදි.....ඔහු ඇත්තටම පදක්කමක් (මුල්ම පදක්කමද කියලා මතක නෑ) ඟඟට විසි කළා... :)

    අලීගේ ආදර්ශ පාඨය තමා "Fly like a Butter Fly Sting like a Bee" ="සමනලයෙකු සේ පාවී පළයන් මී මැස්සෙකු සේ රිදෙන්න ඇනපන්." අපිටත් යම්තාක් දුරකට වලංගුයි මේ ප්‍රකාශය.(බොක්සින් ක්‍රී‍ඩාවට විතරක් නෙමේ.)

    ඇත්තටම කිව්වොත් ලෝක‍යේ ප්‍රසිද්ධ ‍චරිත අතරින් ලින්කන් ඇරුණු කොට මගේ ජීවිතේ අනෙක් සිත්ගත් පුද්ගලයා තමා මොහොමඩ් අලි.

    ReplyDelete
  15. @මකුළු අයියා : ස්තූතියි අයියා..

    ReplyDelete

මේ ගොළු හදවත
විවර කරනු වස්,
දිරියක් වනු මැන...